PEBA Sport For Artificial Grass

الاثنين، 8 مايو، 2017

مميزات النجيل الصناعي المعتمد من الفيفا


فكرت قبل كدة ايه المميزات اللي موجودة في ملاعب النجيل الصناعي ؟
انهاردة هنتكلم معاكم شوية في بعض مميزات النجيل الصناعي وازاي تسفيد منها كمستخدم اوكمستثمر .
بداية الكلام لازم نكون فاهمين ان كل المنتجات في الدنيا عبارة عن درجات فوق بعضها , فيه المنتج الكويس اللي يعيش وفيه المنتج اللي بيطلع من تحت السلم وفيه المنتج الغالي جداااا بس هو غالي علشان هو ليه علامة تجارية كبيرة زي مثلا اديداس وفيه اللي سعره قليل جدااااا بس علشان الناس بتشتري اكتر , انهاردة هنتكلم عن النجيل الصناعي فخلينا نرجع للنجيل الصناعي من الاساس .
النجيل الصناعي اخترعوه علشان يكون حل بديل للنجيل الطبيعي بسبب ان مشاكل النجيل الطبيعي كتيرة , منظمة الفيفا الدولية قعدت سنوات كتيرعلشان تطلع لينا افضل مواصفات للنجيل الصناعي علشان تكون زي كفائة النجيل الطبيعي سواء في الإستخدام كلاعبين او في الاستخدام كمستثمرين .
الفيفا قالت ان اي مصنع عاوز يطلع نجيل صناعي يمشي على خطوات معينة يقدر من خلالها يطلع منتج وهيتم اعتماده من خلال شهادات جودة وخلافه واي حد عاوز يعمل ملعب يقدر يعمل الملعب بالمواصفات القانونية اللي المفروض تكون في الشيت الخاص بالنجيل الصناعي اللي حضرتك هتشتريه , لكن كالعادة طلعت مصانع كتير مخالفة وزي ما بنقول عليها مصانع تحت السلم وطلعت منتجات كتير جداااا ملهاش اي اوراق او حتى اسماء وبالتالي بقى مفيش اي مقياس الناس تعمل عليه الملعب بالتالي زادت الاصابات وزادت الشكوى من ملاعب النجيل الصناعي وزاد الفشل بالمشاريع الاستثمارية الخاصة بملاعب النجيل الصناعي او الملاعب الرياضية عموما .
من المفترض ان النجيل الصناعي ليه شهادات واعتمادات وتقدر تعرفها من موقع الفيفا من هنا : https://goo.gl/NC2HK3

طيب ايه هي مميزات النجيل الصناعي ؟

1 – النجيل الصناعي افضل من حيث الصيانة لانه مش بيحتاج صيانة كتيرة زي النجيل الطبيعي .
2 – المظهر العام للنجيل الصناعي نقدر نتحكم لو عاوزين نعمل ملعب لون ولون او ملعب لون واحد .
3 – النجيل الصناعي صديق للبيئة مش بيتفاعل مع عوامل الجو زي الحرارة في فصل الصيف والبرودة والامطار في فصل الشتاء .
4 – النجيل الصناعي ملهوش عدد ساعات لعب معينة في حين ان النجيل الطبيعي ممكن يقعد اشهر ميتلعبش عليه .
5 – النجيل الصناعي غير ضار صحيا على الناس اللي بتلعب علشان هو اصلا مصنوع من البلاستيك وبيتحط فيه رابر ورمل سيليكا علشان يكون نفس كفائة ملاعب النجيل الطبيعي في اللعب .
دي اغلب مميزات النجيل الصناعي لكن في ناس كتير بتقول الملعب بيزحلق والملعب بيتفكك والملعب بقى عامل زي السجاد !!
زي ما قلنا في الاول ان مش اي حد بيبيع نجيل صناعي فهوعنده جودة معتمدة من الفيفا او هيركب الملعب بالمواصفات القانونية , المفروض انالنجيل الصناعي ليه مواصفات معينة في الصناعة وليه طريقة تركيب معينة وكمية رابر ورمل سيليكا محددة ولكن اغلب الشركات الان بتلعب على انها تجيب اقل الخامات علشان تبيع بأقل سعر والمستخدم طبعا بيفرح طبعا بأقل سعر لكن .. تفتكر الملعب هيقعد معاك قد ايه ؟
تابعونا كل يوم هيكون فيه معلومات جديدة عن تجهيز ملاعب النجيل الصناعي .

. . PEBA SPORT WHERE EVER YOU GO