شبك ملاعب النجيل الصناعي

تفاصيل اعمال الشبك لملاعب النجيل الصناعي

جراس ايجيبت دليل شركات النجيل الصناعي والترتان

اتكلمنا المقالة اللي فاتت عن تجهيز اعمال الإضاءة الخاصة بملاعب النجيل الصناعي

اعرف اكتر عن اعمال كهرباء ملاعب النجيل الصناعي

هنتكلم انهاردة عن اعمال الشبك الخاصة بملاعب النجيلة الصناعى ودي هتكون مقالة بسيطة جدا هتعرف فيها :

* اعمال الشبك الخاصة بملاعب النجيل الصناعي والترتان

* انواع شبك الملاعب

* كيفية حماية شبك الملاعب

* كيفية صيانة شبك الملاعب

* كيفية حساب تكلفة شبك ملاعب النجيل الصناعي

شبك ملاعب النجيل الصناعي

سؤال بنسمعه كتير من كل شخص هيعمل ملعب نجيل صناعي او ترتان او اكريليك

 اعمال الشبك الخاصة بملاعب النجيل الصناعي والترتان 

بص ياسيدي الفاضل الشبك هو جدار الحماية يعني هو الحاجز اللي بيتم تركيبه علشان نقدر نحمي الملعب من اي حاجات كتير زي مثلا الكورة انها تطلع برة الملعب في انواع من الشبك بتتركب علشان تحمي الملعب من الامطار والعواصف وكمان حماية لأركان الملعب من المشاهدين انهم ميدخلوش ارض الملعب والشبك بيتركب من كل نواع الملعب طول وعرض وارتفاع وكمان شبك لسقف الملعب.

انواع شبك الملاعب

شبك الملاعب كتير ممكن يكون شبك خيطي زي شبك الحرير او القطن او الصوف او البلاستيك وممكن يكون شبك حديدي وده بيكون اسمه شبك مجلفن بيكون عبارة عن باكيات بطول 2 متر وعرض 4 متر وده بيستخدم كتير في ملاعب وزارة الشباب والرياضة والانتاج الحربي وده طبعا بيكون تكلفته مختلفة عن الشبك الخيطي لكن بيكون ليك حرية الاختيار وفي عملاء كتير بيستخدموا النوعين لحماية الملعب اكتر.

كيفية حماية شبك الملاعب

علشان تحمي المنتج اللي متركب عندك المفروض انك تراعي شوية حاجات زي مثلا المنتج اللي عندك ايه امكانياته وكمان تكون عارف عوامل البيئة اللي عندك يعني ممكن مكان زي محافظة الاسكندرية معظم ايام الشتاء بيكون امطار فلازم تركب نوع يقاوم المطر وكمان الشمس لازم تراعي ان المنتج اللي عندك يكون مقاوم الحرارة ، ولو اتكلمنا عن سوء الاستخدام لازم تاخد بالك كويس من الاطفار علشان محدش يقطع الشبك او يفكه من مكانه وكمان لازم يكون فيه مساحة كويسة للتراك بتاعك علشان لو اللاعبين بيتحركوا بقوة يكون فيه مساحة لتقليل الضغط على الشبك.

كيفية صيانة شبك الملاعب

عاوزين صيانة للملعب عاوزين صيانة للشبك عاوزين صيانة عاوزين صيانة .. اكيد اصحاب الملاعب زهقوا من طلب الصيانة وكمان اصحاب الشركات عندهم ضغط كتير من اصحاب الملاعب علشان اعمال الصيانة لكن احنا هنقولك تعمل ايه اولا حاول دايما تداوي اي شيئ بيحصل اول بأول يعني لو عندك شبك خيطي ( حرير – قطني – صوف – بلاستيك ) حاول بقدر الامكان اي قطع يحصل ترجع تربطه او تخيطه من اول وجديد علشان القطع ميزدش ، بالنسبة للشبك الحديدي او الشبك المجلفن زي ما هو مشهور اي جزء يتم قطعه حاول تجيب اي شخص حداد ويشتغل عليه ويصلحه في الحال علشان الحديد لو سيبته شهر محتاج صيانة الموضوع هيتطور وهتحتاج تغير حاجات كتير ممكن توصل انك تغيره باكيه كاملة.

كيفية حساب تكلفة شبك ملاعب النجيل الصناعي

بص ياسيدي شبك الملاعب بيتحسب انك بتعرف سعر المتر وبتضربه في مساحة الملعب او بتتحسب بالوزن ( طول + طول ) X ( عرض + عرض ) وبتضربه في سعر الوزن بتاعه.

كدة اتكلمنا معاكم على عن كل شيئ خاص بتجهيز الملاعب الرياضية بشكل مبسط تقدر تراجعها من هنا :

مقالات سابقة عن مشروع إنشاء ملعب النجيل الصناعي

مشروع- انشاء -ملعب- نجيل -صناعي

تقدر تعرف عن انواع الملاعب الرياضية

انواع -الملاعب -الرياضية

تعرف ايضا على انواع الارضيات

انواع -الارضيات- الرياضية -في -مصر

لو عاوز تعرف المساحات القانوينة لملعب كرة القدم

مساحات- الملعب- الخماسي -والسداسي -والسباعي

تقدر تعرف اكتر عن الاعمال المدنية

اعمال-مدنية-ملعب-خماسي

تفاصيل عن اعمال الحدادة

حدادة-مشروع-ملعب-كرة-قدم

وزي ما ذكرنا فوق اعمال الكهرباء

كهرباء ملعب كرة قدم

وكدة نكون انتهينا من سلسلة مشروع إنشاء ملعب نجيل صناعي او ملعب ترتان متعدد او ملعب اكريليك مطاطي

استنونا وهنبدأ نتكلم الفترة اللي جاية اكتر عن كل شيئ خاص بالملاعب بشكل احترافي وعملي اكتر.

لو عندكم اي استفسار سيبوا تعليقكم وهنرد عليكم كلكم في مقالة اسبوعية.

كهرباء ملعب كرة قدم

اضاءة ملاعب كرة القدم النجيل الصناعي والترتان والاكريليك

جراس ايجيبت دليل شركات النجيل الصناعي والترتان

إضاءة الملاعب الرياضية وطرق تجهيزها

إضاءة الملاعب الرياضية المفتوحة او الصالات المغطاة تحتاج إلى خبرة تقنية واسعة وخاصة في مجال الإضاءة لانه لاتكفي ان تكون الاضاءة عالية او شديدة على ارضيات ملاعب النجيل الصناعي او الترتان او غيرها من الملاعب الرياضية .

لكن يجب الاخذ في الاعتبار انه سواء كانت الاضاءة في الملاعب المكشوفة ليلا او داخل الصالات المغطاه يجب ان تكون على ارتفاع مناسب بحيث تكون بعيدة كل البعد في حالة ارتفاع الكرة او اداة اللعب إلى اعلى فلا يجب ان يتم التصادم بينهم ، وايضا يجب ان تكون على ارتفاع مناسب حتى يمكن اللاعب والمشاهد متابعة اللعبة بسهولة ووضوح بالاضافة إلى توزيع الاضاءة بشكل متميز داخل ارضية ملاعب النجيل الصناعي او الصالة الرياضية .

اعرف اكتر عن ملاعب النجيل الصناعي

مشروع- انشاء -ملعب- نجيل -صناعي

يستطيع المتخصصين في تجهيز اضاءة الملاعب الرياضية تحديد نوع الاضاءة الجيدة والاستفادة منها بأكبر قدر ممكن ، واحد اهم الشروط الخاصة بجودة اضاءة الملاعب الرياضية وخاصة ملاعب النجيل الصناعي وهي شدة الاضاءة المتساوية والتي يتم توزيعها على جميع اجزاء ارضية الملعب ، بحيث يكاد الظلام ينعدم في كل بقعة فيها تقريبا مع ضرورة تجنب مشكلة تغيير لون الاضاءة في بعض الكشافات مثل الاضاءة البيضاء والتي تميل للاصفرار والتي تسبب زغلله لللاعبين وتؤدي إلى اجهاد النظر للاعبين او المشاهدين ويجب اخذ هذا في الاعتبار في وقت تجهيز اضاءة الملاعب الرياضية وضرورة عدم وجود اي ظلال للأعمدة او الابراج في الملعب وهذا حفاظا على سلامة اللاعبين واداء التحكيم في المباريات .

ويمكننا اخذ ستاد المريخ الرياضي احد التجارب في مجال تجهيز إضاءة الملاعب الرياضية .

في هذا الملعب الرياضية تتكون الاضاء من اربعة ابراج ارتفاعها عن الارض حوالي 35 مترا تقريا وتم تركيب في اعلى كل برج مجموعة من كشافات الانارة موزعة بطريقة احترافية حتى يتم من خلالها تغطية جميع نواحي الملعب .

اعرف اكتر عن اعمال الحدادة

اعمال حدادة لملاعب النجيل الصناعي

جرت العادة ان تكون شدة إضاءة كشافات الإنارة عالية حتى تكون واضحة ولكن من الملاحظ ان إضاءة الملعب ضعيفة نوعا ما وذلك يظهر بطريقة واضحة ويظهر جدا هذا العيب خلال التصوير التلفزيوني وايضا الظلال التي تظهر من الابراج واللاعبين وتحرك الكرة وغيره في اطراف الملعب .

الملعب شبه مستطيل ومع ذلك توجد الابراج على اركان الملعب مما يعمل على عدم توزيع إضاءة الكشافات بطريقة جيدة وتظهر هذه العيوب خلال عميلة اتجاه الكاميرات الجانبية تظهر هذه العيوب بوضوح ولكن لكي يتم حل هذه المشكلة يجب على متخصصين إضاءة استاد المريخ الرياضي تركيب تركيب برجين من كل جانب حتى وإن ادى إلي تقليل عدد وحدات الانارة على كل برج وتوزيعها على الابراج الجانبية بطريقة متساوية حتى تزيد شدة الاضاءة في هذه الحالة .

ويتم تركيب على كل برج حوالي 4 كشافات وتكون الكشافات إما ميتا لايت او كشافات ليد .

وانتشرت في الفترة الاخيرة كشافات الليد بطريقة كبيرة وادى ذلك لسهولة تركيبها وعدم وجود مكونات داخلها يصعب تركيبها مثل الميتالايت .

كشاف ملاعب كرة القدم

وينصح الخبراء بإستخدام كشافات الليد نظرا لسهولة صيانتها وجودة إضاءتها التي لايوجد بها اي شيئ من الاصفرار بالإضافة إلى السعر الجيد لها في السوق المصري .

اما بالنسبة للتوصيلات ينصح بإستخدام اسلاك الكهرباء النحاس وعمل قاطع رئيسي بالاضافة لمفتاح قطع لكل كشاف .

اسلاك المونيوم لملاعب النجيل الصناعي

لو عندك اي استفسارات اكتبلنا كومنت واحنا هنرد على اسئلتك ولو انت احد موردي اعمال الكهرباء تقدر تضيف شركتك من هنا

تابعونا على : grassegypt.com

شراكة بين شركات النجيل الصناعي

تفاصيل الشراكة الحصرية بين «جراس ايجيبت» و «جراس سبورت» للنجيل الصناعي

نبذة عن جراس ايجيبت

دليل شركات النجيل الصناعي

جراس ايجيبت اول دليل لشركات النجيل الصناعي المتخصصة في تجهيز الملاعب الرياضية وتعتبر اول منصة الكترونية تهدف لمساعدة جميع المستثمرين في تطوير مشروعاتهم في مجال الرياضة وتجهيز ملاعب كرة القدم الخماسية وملاعب التنس وغيرها من الملاعب المطاطية المتعددة بخامات الترتان والاكريليك.

 تفاصيل الشراكة الحصرية بين «جراس ايجيبت» و «جراس سبورت» احدي شركات النجيل الصناعى في مصر

وقد عقدت شركة جراس ايجيبت بدورها انها اول منصة تسويقية لشركات تجهيز الارضيات في الشرق الاوسط وشمال إفريقيا مع شركة جراس سبورت إتفاق إستثماري وتسويقي خلال الفترة القادمة والتي تقدم من خلاله شركة جراس سبورت الخدمات الخاصة بها على موقع جراس ايجيبت مثل خدمات توريد وتركيب النجيل الصناعي وتجهيز الملاعب الرياضية وقد عزمت شركة جراس سبورت على تقديم افضل العروض والاسعار التي لامثيل لها من خلال موقع جراس ايجيبت.

اعرف اكتر عن شركات النجيل الصناعي

وقالت شركة جراس سبورت انها تقوم بتقديم افضل الخدمات والاسعار في السوق المصري وهذا ما قد جاء في اللقاء التي تم عقده مع  المدير التنفيذي للشركة المهندس احمد رفاعي والذي قد بادر بتقديم عروض خاصة وحصرية على الموقع.

جراس ايجيبت وجراس سبورت

وقال المتحدث بإسم شركة جراس ايجيبت المهندس محمد اسامة ان الخدمة تهدف للشراكة مع 6 شركات تجهيز ملاعب النجيل الصناعي وغيرها من الملاعب الرياضية في كل سوق من الاسواق العربية حتى يكون منصة موثوقة لجميع المستثمرين المهتمين بالإستثمار في المجال الرياضي ويهدف المشروع للعمل في الاسواق العربية مثل السوق المصري والذي حققنا بالفعل نجاحات كبيرة خلال السنوات الخمس السابقة وبالتالي سوف يتم اختراق الاسواق العربية الاخري مثل السودان والجزائر والسعودية والكويت ولبنان وغيرها من الدول التي تحتاج إلى منصة مثل جراس ايجيبت.

وتعتبر منصة جراس ايجيبت المنصة الاولى من نوعها في دعم وتسويق متخصص لشركات ارضيات الملاعب والارضيات الاخري مثل الترتان والاكريليك والنجيل الطبيعي والباركيه والسيراميك والبورسلين وغيرها من الارضيات.

وتسعى منصة جراس ايجيبت للاعتماد من الهيئات والمؤسسات المتخصصة في تجهيز وتطوير الارضيات حتى يتم تقديم افضل خدمة للعملاء في الوطن العربي سواء مستخدمين او معلنين على المنصة.

نتمنى لكل تلك الشركات المعلنة ان تكون على قدر من المسئولية والجدية لمواجهة متطلبات السوق وتقديم افضل الخدمات لجميع العملاء وقريبا سوف يتم تقديم جميع الشراكات التجارية الخاصة بنا على الموقع.

واضاف المهندس محمد اسامة قائلا “نحن نؤمن بأن هذه الشركات سوف تقود الطريق نحو التطور السريع لبيئة المشروعات الرياضية في منطقة الشرق الأوسط وشمال أفريقيا، ونحن متحمسون لنشهد نمو ونجاح هذه الشركات في السنوات القادمة”.

واعرب المهندس احمد الرفاعي المدير العام لشركة جراس سبورت عن سعادته بالشراكة في بداية عام 2018 ويتمنى ان يرى التقدم خلال العام في الاعمال التسويقية والاستثمارية في مجال المشروعات الرياضية.

اعرف اكتر عن مشروع تجهيز ملعب كرة قدم

اعمال حدادة لملاعب النجيل الصناعي

اعمال الحدادة الخاصة بملاعب كرة القدم | جراس ايجيبت

نبذة عن جراس ايجيبت

جراس ايجيبت اول دليل لشركات النجيل الصناعي المتخصصة في تجهيز الملاعب الرياضية

مهمتنا لجميع عملائنا انهم يجهزوا ملعبهم بكل سهولة وبأفضل جودة ممكنة مع افضل شركات النجيل الصناعي

اسعار النجيل الصناعي لملاعب كرة القدم

المقالة اللي فاتت اتكلمنا على اساس ارضيات الملاعب الرياضية وهي الاعمال المدنية

تقدر تعرف اكتر عن الاعمال المدنية

المقالة دي هنتكلم معاكم على اعمال الحدادة الخاصة بالملاعب الرياضية وبالاخص ملاعب النجيل الصناعي وملاعب الترتان المطاطية المتعددة .

اعمال حدادة لملاعب النجيل الصناعي

في البداية اعمال الحدادة ليها 3 اقسام

1 – ابراج الحدادة الخاصة بأعمال الكهرباء

2-  اعمدة الحدادة الخاصة بأعمال الشبك

3- عوارض المرمي

اعمال الحدادة ليها مواصفات كتير واحنا هنساعدكم انكم تعرفوا افضل المواصفات والامكانيات اللي ممكن تعملها في ملعبك .

1 – ابراج الحدادة الخاصة بأعمال الكهرباء

ابراج الحدادة وهي عبارة عن ابراج ثلاثية ودي بتكون 3 بوصة 3 مللي وبتكون على ارتفاع 9 متر وبيتم عمل ارضية خرسانية لكل برج وبينزل تحت الارض حوالي متر والبرج بيكون عبارة عن 3 مواسير وسلم خارجي بيتم ربطهم ببعض علشان يكون لينا برج حدادة كامل ومتوسط عدد ابراج الحدادة في ملاعب النجيل الصناعي الخماسية حوالي 6 ابراج وممكن يتم زيادتهم حتى 8 ابراج علشان يتم تركيب على كل برج حوالي 4 كشافات كهرباء ودي هنتكلم فيها في المقالة اللي جاية .

2-  اعمدة الحدادة الخاصة بأعمال الشبك

اما بالنسبة لأعمدة الشبك ودي بتكون 3 بوصة 3 مللي وبتكون على ارتفاع 9 متر وبيتم عمل ارضية خرسانية متر تحت الارض ودي بتكون عبارة عن مواسير بتتركب على كل جوانب الملعب وبيتم رفع الشبك الحماية عليها ، اما بالنسبة لمتوسط عدد اعمدة الشبك في ملاعب النجيل الصناعية  الخماسية حوالي 18 عامود شبك وطبعا هنتكلم عن طريقة شد شبك الملاعب على الاعمدة في المقالة الخاصة بالشبك .

3- عوارض المرمي

اما بالنسبة لعوارض المرمي بيتم عمل عوارض مرمي لملاعب كرة القدم الخماسية بخامات عالية بحيث انها تكون قادرة على استهلاك اللاعبين عكس العوارض الجاهزة التي يتم شرائها من متاجر الادوات الرياضية .

يتم دهان اعمال الحدادة كاملة بمادة عازلة تقاوم عوامل الجو مثل الحرارة والبرودة وتقاوم ايضا عملية الصدأ في حالة هطول الامطار .

وفي الغالب تكون عملية الدهان حسب رغبة صاحب الملعب في حالة اراد اعمال الحدادة بلون معين او بدون لون .

ملحوظة : اعمال الحدادة احنا شرحنا ليكم الاعمال الشائعة مش لازم تتنفذ زي ما قلنا لكن الاهم تكون مواصفاتها كويسة ويكون من الافضل عليها ضمان.

كدة اتكلمنا عن اعمال الحدادة بشكل مفصل لو عندك اي تعليق او استفسار سيب تعليق لينا وهنرد عليك ولو انت احد موردين اعمال الحدادة تقدر تضيف شركتك هنا

 

الاعمال -المدنية- كاملة

كيفية إنشاء ارضيات ملاعب النجيل الصناعي

مكملين معاكم في مشروع إنشاء ملعب رياضي رياضي استثماري واتكلمنا معاكم المقالة اللي فاتت عن مكونات الملعب الرياضي وكيفية إنشاء ملاعب كرة القدم

كيفية إنشاء ارضيات ملاعب النجيل الصناعي ( اعمال تجهيز الارضية )

المقالة اللي فاتت اتعرفنا علي مكونات الملعب الرياضي بكل انواعه زي ملاعب النجيل الصناعي والملاعب المطاطية المتعددة زي الترتان والاكريليك.

كنا قلنا ان مكونات الملعب الرياضي :

1 – اختيار الارض لملاعب كرة القدم ( مقاسات ملاعب كرة القدم )

2 – الاعمال المدنية

3 – طبقة العزل

4 – اعمال الحدادة

5 – اعمال الكهرباء

6 – اعمال الشبك

7 – اعمال النجيل الصناعي او الترتان او الاكريليك

مشروع-انشاء-ملعب-كورة-رياضي

تعرف على  كيفية إنشاء ملعب كرة القدم

انهاردة هنمسك اول واهم جزء في تجهيز ملاعب النجيل الصناعي الرياضية بعد اختيار الارض طبعا وهو الاعمال المدنية وهي اهم اعمال الملاعب بعد النجيل الصناعي طبعا ولو الاساس بتاع الملعب مش سليم للأسف هتضطر تعمل بعد فترة قصيرة احلال وتجديد للملعب وده هيكلفك حوالي 50 – 60 الف جنيه وده مبلغ كبير بالنسبة ليك لو عدي عليك سنة وهيكون خسارة.

علشان كدة جراس ايجيبت قررت توضح ليكم المواصفات الفنية والهندسية الخاصة بأعمال تجهيز ارضية ملاعب النجيل الصناعي او الملاعب المطاطية زي الترتان او الاكريليك.

هنقسم الاعمال المدنية لملاعب كرة القدم الخماسية لنقط مهمة :

* تهيئة التربة

* طبقة الاساس

* طبقة سد المسام

* طبقة المطاط

* طبقة الاسفنج

* تحديد الملعب

تهيئة التربة

 

اول حاجة وهي تهيئة التربة او الارضية ودي بتكون على حسب نوع ارضية الملعب اذا كانت صخرية او رملية او طينية وده طبعا بيكون بمعدات التسوية والدك وغيره طبعا من المعدات وده بيتم من خلال تقليب التربة وبنحاول نخلط التربة ببعضها وبعد كدة بيحصل عملية تسوية لمنسوب الارضية يعني ميكونش فيه منطقة اعلى من منطقة وبيتم تحديد ابعاد الملعب طول وعرض ، بعد كدة بيتم هرس الارضية عن طريق الهراس او الدكاك بحيث انه يتم عمل ضغط للارضية في حالة وجود اي فراغات او تهوية في الارضية وده شيئ مهم جدا لو كان الارض طينية ( زراعية ).

اعمال-مدنية-ملعب-خماسي

طبقة الاساس

تاني حاجة المفروض بيتحط طبقة الاساس وهي الدبش الخاص بالرصف او اسمه الشائع دقشوم وده بيكون من الحجر الجيري الصلب وبيكون خالص طبعا من الطين واي شوائب روملية او زلطية وبيكون ( سن 6 ) لانه انسب للرصف وبيحتوي الدقشوم على نسبة من البودرة البيضاء و بيكون بكمية حوالي 140 متر مكعب لملعب النجيل الصناعي الخماسي القانوني الدولي 22 * 42 متر مربع وبيكون سمك طبقة الدقشوم على حوالي 15 سم ، بتكون نسبة الدقشوم حوالي 75 % ونسبة البودرة البيضا الخاصة بالدقشوم حوالي 25 %.

الكميات اللي بتتحط في الارض بتكون مختلفة على حسب مساحة الملعب طبعا وده بيكون طبقا للمواصفات القياسية ولو عاوز تعرف هينزل قد ايه على المساحة بتاعتك ممكن تبعتلنا ونقولك المواصفات القياسية للملعب بتاعك .

كيفية عمل الملاعب الرياضية

بعد ما بتنزل الكمية المطلوبة وبتكون متأكد انها الكمية المناسبة ليك بتبدأ عملية الفرش والتوزيع على كل مساحة الملعب وده بيكون عن طريق معدات مثل القصابية الليزر او غيرها ، بيكون سمك الدقشوم 15 سم وبعد الدك بيوصل السمك حتى 12 سم وبعد الدك بيتم رش الارضية بالماء علشان يحصل تماك كويس بين الاحجار وبيتم الحفاظ طبعا على الارضية بعيد عن اي شوائب وبعد كدة بنسيب الملعب فترة 5 -10 ايام علشان نضمن تماسك الارضية كويس .

اعمال مدنية لملاعب الخماسي

طبقة سد المسام

تالت حاجة معانا وهي الرمل الحلواني ودي بتكون الطبقة قبل الاخيرة في الاعمال المدنية وده بيكون اخر طبقة في الارضية وبتساعد على قفل المسام الخاصة بالدقشوم بعد الدك والرش وكمان بتكون حلقة الوصل الاعمال المدنية واعمال النجيل الصناعي بيتم فرد طبقة رمل حلواني بنسبة 40 متر مكعب على سمك 4 – 5 سم.

عملية سد المسام

طبقة المطاط

في معظم الملاعب الدولية المعتمدة من الفيفا بيتم عمل طبقة من المطاط بيتم وضعها بعد فرد الرمل الحلواني ، بتكون مهمتها تسهيل عملية تطبيع النجيل الصناعي مع الارضية وتقليل الاحتكاك الخاص بقدم اللاعبين مع ارضية الاعمال المدنية وده مش بيتعمل كتير في مصر نظرا لتكلفته العالية.

ارضيات مطاطية ترتان

طبقة الاسفنج

طبقة الاسفنج مرتبط بطبقة المطاط لانها مكملة ليها وبيتم من خلالها عمل الربط بين المطاط والنجيل الصناعي وده طبعا بيكون نوع معين من الاسفنج مش اي نوع علشان لو حصل اي نوع من انواع تسريب المياه ميحصلش عفن بين النجيل الصناعي والمطاط.

تحديد الملعب

واخيرا ودي بتكون اعمال البلدورة ودي بتكون نوع من انواع الرصيف الصغير وبيتم بيه تحديد الملعب علشان تكون معروفة.

اعمال تحديد الملاعب المدنية

كدة انتهت الاعمال المدنية الخاصة بملاعب النجيل الصناعي او ملاعب التنس المتعددة زي الترتان والاكريليك .

 

لو عندك اي استفسار ممكن تسيبه في تعليق تحت واحنا هنجاوبك على كل استفساراتك .

مشروع-انشاء-ملعب-كورة-رياضي

كيفية إنشاء مشروع ملعب كرة قدم رياضي

كيفية انشاء ملعب كرة قدم خماسي

انهاردة مع جراس ايجيبت هنقولكم عن مكونات الملعب الرياضي وكيفية انشاء ملعب خماسي علشان تكون واضحة ليك لما تيجي تعمل دراسة لمشروع ملعب كرة قدم .

مشروع إنشاء ملعب كرة قدم خماسي بيتكون من نقاط مهمة جدا

1 – اختيار الارض

2 – الاعمال المدنية

3 – طبقة العزل

4 – اعمال الحدادة

5 – اعمال الكهرباء

6 – اعمال الشبك

7 – اعمال النجيل الصناعي

اختيار الارض

علشان تبدأ مشروع ملعب كرة قدم لازم تكون عارف انت هتعمل ملعب لأي غرض من الاغراض يعني هتعمل ملعب خماس ولا هتعمل ملعب سداسي ، سباعي ، ثماني ولا هتعمل ملعب قانوني دولي 11 لاعب .

وطبعا كل نوع من انواع الملاعب ليه مساحة وليه مواصفات معينة ونوع ارضية معينة وده كنا اتكلمنا عنه في المقالة الخاصة بالمساحات القانونية لملاعب كرة القدم .

تعرف على  المساحات القانونيه لملاعب كرة القدم

الاعمال المدنية

اعمال-مدنية-ملعب-خماسي

الملعب بيبدأ من مرحلة الصفر بعد مرحلة اختيار الارض زي ما قلنا قبل كدة وعلشان الارض بتكون انواع زي الاراضي الرملية والاراضي الطينية والجبلية احنا لازم نعمل عمليه للتهيئة ودي او خطوة بتتعمل في الارض وهي انك بتجهز الارض علشان تكون صالحة لبداية مشروع ملعب كرة القدم وبتكون الطبقة دي اسمها طبقة الاعمال المدنية ودي بيتم فيها انك بتعمل عملية سفلتة للارض لكن بدون اخر طبقة اللي هي طبقة الاسفلت وهنتكلم بالتفصيل في مقالة خاصة للاعمال المدنية في الايام القادمة.

طبقة العزل

الطبقة التانية بعد الاعمال المدنية وهي طبقة المطاط ودي طبقة ناس كتير مش بتعملها في الملاعب الخماسية علشان مكلفة لكن هي ضرورية لانها بتكون من اساسيات الملاعب الدولية ودي بتكون طبقة مطاطية من الرابر بتكون بعد طبقة الاعمال المدنية مباشرة وفي الوقت الحالي متاح استبدال الطبقة دي بخامات تانية زي الرمل الحلواني والموكيت الاسفنجي وخلافه.

اعمال الحدادة

حدادة-مشروع-ملعب-كرة-قدم

وبعد كدة بندخل في مرحلة اعمال الحدادة ودي بتكون طبعا ليها مواصفات معينة علشان تكون مناسبة لعوامل الجو والتربة وبتكون اعمال الحدادة مهمة علشان دي مرتبطة بأعمال الكهرباء واعمال الشبك الحدادة بتكون عبارة ابراج للكهرباء وعواميد للشبك وعوارض المرمى .

اعمال الكهرباء

كهرباء ملعب كرة قدم

هندخل في العملية اللي بعد كدة وهي اعمال الكهرباء ودي برضو ليها مواصفات خاصة علشان تقدر تعمل اضاءة مثالية للملعب لان ده شيئ مهم لراحة اللاعبين والاضاءة ممكن تكون ميتا لايت او ممكن تكون اضاءة ليد ويفضل انك تعمل اضاءة ليد علشان اقل تكلفة واقل استهلاك للكهرباء وكمان مش بتحتاج صيانة زي الميتا لايت وبالنسبة لمصدر الطاقة انت ممكن تجيب مولد كهرباء او تعمل ممارسة مع شركة الكهرباء او تعمل نظام للطاقة الشمسية.

اعمال الشبك

اعمال الشبك ودي مهمتها تحديد الملعب والحفاظ عليه والشبك ليه انواع زي الشبك الحرير والقطني والصوف وكمان في انوع اشد شوية وهو الشبك المجلن وده بيكون شبك حديد الشبك في كل حالاته بيتقطع مع الاستهلاك لكن من الافضل تختار النوع الاكتر تداول وسعره كويس في حالة الاستثمار.

اعمال النجيل الصناعي

اسعار النجيل الصناعي لملاعب كرة القدم

ونيجي للمرحلة الاخيرة وهي اعمال النجيل الصناعي او النجيل الطبيعي او الترتان او الاكريليك او الحمرة او الباركيه ودي طبعا بتكون اخر اعمال الملعب وهنتكلم عليها فيما بعد ، لكن النجيل الصناعي في حالة انشاء مشروع ملعب نجيل صناعي خماسي فهو افضل اختيار عن النجيل الصناعي لانه طبعا بيكون على مدى الاستثمار مفيد لانك بتعمل مشروع صيانته اقل وتكلفه تأجيره للاعبين اعلى من الانواع الاخرى وكمان العمر الافتراضي لملعب

النجيل الصناعي الخماسي بيكون 6 – 8 سنوات وده طبعا حاجة كويسة للمستثمر الصغير .

تعرف ايضا على  اسعار النجيل الصناعي في مصر

كدة نكون انتهينا من مكونات مشروع إنشاء ملعب كرة قدم نجيل صناعي خماسي ويارب تكونوا استفدتوا منه .

لو عندك اي سؤال سيب تعليق وهنرد عليك في المقالة اللي جاية .

 استنونا المقالة اللي جاية ومعلومات جديدة في مشروع انشاء ملعب رياضي .

 

اسعار-النجيل-الصناعي

اسعار النجيل الصناعى فى مصر 2018

اتكلمنا المقالة اللي فاتت عن مساحات الملعب الخماسي والسداسي والسباعي والملاعب القانونية ، اتسألنا كتير عن اسعار النجيل الصناعي واسعار الترتان المطاطي للملاعب المتعددة وقررنا تكون المقالة انهاردة عن اسعار النجيل الصناعي في مصر بشكل عام وهنتكلم برضو عن انواعها وبعض مواصفاتها وهنحدد الفرق بين سعر متر النجيل الصناعي في مصر وسعر متر الترتان المطاطي .

ازاي اعرف اسعار النجيل الصناعي في مصر 2018؟

اسعار العشب الصناعي تقدر تحددها من خلال أكثر من نقطة مهمين

1 – نوع شعرة العشب الصناعي وكثافتها

2 – بلد المنشأ والتكوين

3 – شهادات الاعتماد والجودة

4 – سعر العملة الصعبة

5 – الشركة المنفذة وارباحها

6 – طبيعة المكونات المستخدمة لتركيب النجيلة الصناعية

7 – الضمان الخاص بالنجيلة الصناعية

 

نوع شعرة النجيل الصناعي وكثافتها

النجيل الصناعي زي ما اتكلمنا قبل كدة هو بديل النجيل الطبيعي ويطلق عليه اسم النجيل الصناعي او العشب الصناعي او الثيل الصناعي وخلافه على حسب اختلاف البلد والنطق ولحد دلوقتى المتخصصين في تصنيع النجيل الصناعي بيحاولوا يعملوا منتج يحاكي النجيل الطبيعي في المواصفات ووصلوا بشكل كبير لمنتجات مطابقة للنجيل الطبيعي وكمان قدروا يصنعوا نجيل صناعي كثافتها وعدد الغرز الخاصة بيها زي النجيل الطبيعي بالضبط ويمكن افضل لكن مش كل المنتجات مواصفاتها زي بعض لانه فيه نجيل صناعي الشعرة الخاصة بيه سميكة او رفيعة او عريضة وهكذا وطبعا كل نوع بيفرق عن التاني بشكل كبير في السعر ده بالاضافة لعدد الغرز والكثافة الخاصة بعينة النجيل الصناعي ، علشان كدة نوع النجيل الصناعي وكثافة الشعيرات وعدد الغرز عامل مهم في تحديد سعر النجيل الصناعي في مصر او العالم بشكل عام وكمان عامل مهم في تحديد تكلفة ملعب النجيل الصناعي الخماسي او السداسي في مصر  .

بلد المنشأ والتكوين

بما اننا بنتكلم عن اسعار متر النجيل الصناعي في مصر ، احنا هنتكلم عن المنتجات المتاحة في السوق المصري وده هيكون ترتيبه على حسب الانتشار ، في بداية دخول النجيل الصناعي في السوق المصري كانت منتجات النجيل الصناعي الاسباني والايطالي اكتر المنتجات المنتشرة وكان طبعا اسعار النجيل الصناعي غالية لكن بدأ النجيل الصناعي في الانتشار ودخل النجيل الصناعي التركي والصيني والماليزي والاماراتي والتشيكي واخيرا النجيل الصناعي المصري .

وللعلم ان علشان تشتري نجيل صناعي كويس لازم يكون مؤهل انه يتركب ويتلعب عليه ، طب ازاي اعرف انه مؤهل ؟

المتحكم في عملية النجيل الصناعي وجودته واعتماداته هي الفيفا لأنها المنظمة العالمية للرياضة بشكل عام ولذلك لازم تكون الفيفا موافقة على المنتج اللي هيتركب في الملاعب ، وعلشان تكون معتمد من الفيفا لازم تكون داخل الاتحاد الاوروبي ، وبالتالي لازم تكون من دول الاتحاد الاوربي ، علشان كده لما تيجي تشتري نجيل صناعي لازم تعرف بلد المنشأ للشعرة واتكون فيه وده بالتالي بيأثر على سعر النجيل الصناعي .

سؤال سريع : لو الشعرة الخاصة بالنجيل الصناعي وطبقة البادة ( السجادة اللي هيتخيط فيها شعر النجيل الصناعي ) من دولة تبع الاتحاد الاوروبي واتجمعت مثلا في مصر هل ده يكون معتمد من الفيفا ومطابق للمواصفات ؟ ؟

شهادات الاعتماد والجودة

دي اجابة السؤال اللي فوق هل فعليا النجيل الصناعي اللي اتجمع في مصر او تركيا او غيره من البلاد اللي مش داخل الاتحاد الاوروبي بيكون معتمد من الفيفا ؟

في الغالب شهادات الاعتماد بتكون خير دليل على مطابقة عينات النجيل الصناعي للمواصفات لان كل مصنع المفروض بيصنع اي عينات نجيل صناعي بيروح للفيفا لقسم الجودة بالتحديد وبيقولهم عاوز اعتمد العينات ولو مطابقة للمواصفات بيدفع مبالغ تأمينية علشان يضمنوا ان العينة بالمواصفات دي مش هتنزل او يطلع منتجات مختلفة عن اللي اعتمدها وبيستلم شهادة الاعتماد بمواصفات العينة كاملة وبيتكتب فيها اسم المصنع نفسه اللي تم اعتماده علشان كدة مش اي منتج هيتباع ليك بيكون مطابق للمواصفات ومعتمد من الفيفا وده طبعا بيأثر على سعر النجيلة الصناعية في مصر .

تعرف ايضا على  المساحات القانونيه لملاعب كرة القدم

سعر العملة الصعبة

اسعار النجيلة الصناعي في مصر كانت قبل تعويم العملة الصعبة اقل بكتير من اسعارها الحالية ، لان جميع منتجات النجيل الصناعي المتاحة في مصر مستوردة وطبعا زي ما احنا عارفين ان الاستيراد مش بالجنيه المصري لذلك لما سعر الدولار زاد الضعف معظم المنتجات زادت الضعف وده بيأدي لزيادة سعر النجيل الصناعي في    مصر 

الشركة المنفذة وارباحها

في مصر بس .. اه في مصر بس اي حد عاوز يبيع اي حاجة بيختار اسم شركة ويعمل موقع وصفحة ويبيع بسبب انه مفيش رقابة وده بيؤدي ان المنتج ممكن يتباع ب 10 جنيه عند شخص متخصص في المجال وممكن يتباع ب 5 جنيه عند شخص غير متخصص في المجال 

يعني هنقول مثال : في الفترة الاخيرة من مجال تجهيز الملاعب الرياضية بدأ العمال والفنيين يشتغلوا ويعملوا صفحات على الانترنت ويبيعوا نجيل صناعي انت متعرفش عنه حاجة ولا اي حد يعرف عنه حاجة وملهوش اوراق اصلا ولا شهادات لكن .. سعره اقل وده طبعا حاجة جميلة للمواطن المصري لانه دايما بيحب الفصال وبيدور على الأرخص وهو مش عارف هو بيشتري ايه 

لكن لما تيجي تتعاقد مع شركة متخصصة انت بتختار منتج معتمد .. موجود كيان قانوني كامل تقدر تضمن بيها حقك لو حصل اي خلاف .. متاح خدمة الصيانة ودي لازم تكون في الحسبان ، علشان كدة الشركة المتخصصة هتلاقي اسعارها اعلى من اي حد بيقدم اي منتج في السوق المصري لانه مش هينفع يخاطر بإسمه وسمعته فيقدم جودة وكل شيئ ليه تكلفة 

طبيعة المكونات المستخدمة ل تركيب النجيل الصناعي

هنيجي لاخر حاجة ومهمة جدا بتفرق بنسبة 2 % من سعر النجيل الصناعي وده بيكون حوالي 12 الف جنيه على الملعب الواحد يعني حوالي 12 جنيه في سعر المتر وهو مكونات النجيل الصناعي .

النجيل الصناعي بيتكون من :

* فنيين تركيب ( رقم واحد )

* رمل سيليكا

* رابر ( الحبيبات المطاطية )

* لاصق النجيل الصناعي

* التيب ( رولات لحام النجيل الصناعي )

كل العوامل دي بتكون مؤثرة في تكلفة النجيل الصناعي بنسبة كبيرة لانه ممكن الشركة اللي هتنفذلك الملعب توفر حوالي 12 الف جنيه من المكونات اللي فوق دي بس .

متاح تجيب فنيين يركبوا سعر المتر ب 10 جنيه ومتاح تجيب فنيين يركبوا ب 20 جنيه على سبيل المثال طبعا وده بيفرق جدا ان الملعب يتركب صح بكل مواصفاته القياسية ، متاح انك بدل ما ينزل الملعب بتاعك رمل سيليكا ينزل رمل مباني مع العلم ان رمل السيليكا انعم انواع الرمل ، الرابر ليه اكتر 30 نوع وخامة والفرق بين كل خامة والتانية حوالي 1000 جنيه وده طبعا بيفرق معاك لو هتنزل للملعب بتاعك 5 او 6 طن ، اما بقى للاصق والتيب فمعظم شركات النجيل الصناعي الغير متخصصة بيستخدموا بانر الاعلانات بدل التيب وكمان بيستخدموا مادة ( الكولة ) علشان يلزقوا النجيل الصناعي .

علشان كدة مهم جدا تكون عارف ايه المكونات اللي هتتحط في النجيل الصناعي .

كدة اتكلمنا ازاي تحدد سعر متر  النجيل الصناعي في مصر وهنتكلم معاكم المقالات اللي جاية عن اسعار الترتان الخاص بالملاعب المطاطية زي التنس وكرة الطائرة وخلافه ، وكمان هنتكلم عن اسعار النجيل الطبيعي .

تابعونا على جراس ايجيبت ولو عاوز شركة مضمونة تنفذ لك ملعب اختار اي شركة من هنا واحنا هنضمنلك الجودة .

 تقدر كمان تعرف ازاى  تعمل مشروع انشاء ملعب رياضي نجيل صناعي وترتان

لو عندكم اي استفسارات اكتبوا تعليقات واحنا هنرد عليكم .

مشروع- انشاء -ملعب- نجيل -صناعي

مشروع انشاء ملعب رياضي نجيل صناعي وترتان|جراس ايجيبت

عاوز تعمل مشروع ؟

عاوز يكون عندك حرية مالية ؟

مجتمعنا اتطور وبقى كل واحد فينا عنده تفكير الاستقرار والبحث عن مشاريع تحقق الحرية المالية وخلال الفترة الاخيرة في السوق المصري ومع دخول المنتخب المصري كأس العالم بعد معاناه كبيرة بقت الرياضية عليها اهتمامات كبيرة وبقى من الملاحظ جدا اهتمام وزارة الشباب والرياضة المصرية في تطوير مراكز الشباب الخماسية بملاعب النجيل الصناعي وايضا اهتمام اصحاب المؤسسات التعليمية مثل المدارس والجامعات المصرية في تطوير الملاعب الرياضية الخاصة بيهم .. فهل ده حافز انك تعمل مشروع ملعب رياضي ؟

احنا في جراس ايجيبت هنشارككم انهاردة فكرة مشروع استثماري اشتغلنا عليه وطورنا فيه لمدة 10 سنوات وهننقل ليكم الخبرة دي وازاي تقدروا تعمل المشروع وتنجح فيه وهنكون معاك خطوة بخطوة وكمان هنساعدك في إنشاء المشروع من بداية اختيار الشركة ومراحل التطوير الخاصة بالملعب ومكونات المشروع وطريقة إدارته بأفضل الطريق وكمان هنكون معاك في ارض الواقع وقت تجهيز المشروع وهيكون فيه استشاريين موجودين معاك وقت التنفيذ لحد ما تاخد شهادة الجودة من جراس ايجيبت ان الملعب بتاعك معتمد وكمان هنتابع المشروع معاك ووقت الصيانة وهنقدملك الشركات اللي هتضمن ليك ان مشروع يكون قائم اطول فترة ممكنة .

فكرة المشروع هي انشاء ملعب رياضي وهنتناقش معاكم انهاردة في فكرة المشروع بطريقة بسيطة.

في البداية ايه هي فكرة إنشاء ملعب رياضي ؟

مشروع انشاء الملعب الرياضي هو مشروع استثماري من خلاله بتقدم خدمة تأجير ملعب رياضي لجميع الشباب المهتمين بممارسة اي لعبة رياضية ومن خلاله تقدر تحقق مكسب بكل طريقة ممكنة ومش هيكون من تأجير الملعب بس هيكون المكسب من تكتيك في تقديم منتجات وخدمات اكبر بحيث انك تغطي اي نوع من انواع الخسارة .

الملاعب انواعها كتير زي ملاعب النجيل الصناعي الخماسية وملاعب الترتان الرياضية وملاعب الاكريليك المطاطية وملاعب الحمرا الترابية او ملاعب الجولف الطبيعية وملاعب الاسكواش الحديثة وكمان ملاعب النجيل الطبيعي السداسية والسباعية .

الملاعب انواعها زي ما انتوا شايفين كتير وكل شخص حابب يعمل ملعب ريضي بيحدد اولوياته وحسب مبلغ الاستثمار اللي هو يقدر يوفره علشان المشروع وبيبدأ يحدد نوع الملعب وبعد تحديد نوع الملعب بيبدأ رحلة الاستثمار بتاعته الطبيعية وكل نوع من انواع الملاعب دي ليه مراحل وليه خامات ومنتجات مختلفة كتير عن غيرها لكن الاساسيات اللي بتكون موجودة في كل انواع الملاعب زي مثلا اختيار الارض وده ليه طبعا معايير زي ان الارض تكون في منطقة ليها احتياج انك تعمل ملعب وتكون ارض مناسبة لإنشاء ملعب وكمان تكون مساحة الارض مناسبة لإنشاء الملعب لأن كل ملعب وليه مقاساته المختلفة زي الخماسي والسدادسي والسباعي والاستاد القانوني وكمان الملاعب المتعددة ليها مقاسات مختلفة وهنتكلم معاكم برضو بالتفصيل عن كل ده.

ومن الحاجات الثابتة برضو في كل الملاعب هي الإضائة ومشتملاتها زي اعمدة الإنارة واعمدة الشبك القماشي او الشبك الحديدي .

احنا في جراس ايجيبت مهمتنا هتكون اننا نسهل ليكم ونكون دليل سهل وواضح انك تعمل المشروع بكل سهولة تابعونا بإستمرار علشان يكون عندك خلفية كاملة عن مشروع إنشاء الملعب الرياضي ولو عندك استفسار او اي مشكلة متترددش في انك تبعتلنا مشكلتك .

 

مساحات- الملعب- الخماسي -والسداسي -والسباعي

المساحات القانونية لملاعب كرة القدم 2018

نزلت تلعب كورة قبل كدة في اي ملعب وفكرت مساحة الملعب دي كام ؟

لو كنت كمان بتفكر تعمل ملعب رياضي قبل ما بتختار الارض اللي بتعمل عليها الملعب المفروض بتكون عارف المساحات المناسبة للملعب اللي هتعمله .

انهاردة مع جراس ايجيبت هنساعدكم في تحديد المساحات المناسبة للملاعب بكل انواعها وهنبدأ بمساحة ملاعب كرة القدم . .

مساحة ملاعب كرة القدم الخماسية :

المساحة القانونية الدولية للملعب الخماسي : 22 * 42 متر مربع يعني اجمالي المساحة القانوية للملعب الخماسي 924 متر مربع وبيكون التراك ( 50 – 100 ) سم ودي بتكون انسب مساحة لملاعب كرة القدم الخماسية الدولية ضمن قوانين الفيفا والملعب بتكون قدرته الاستيعابية للاعبين حوالي 5 – 6 افراد في الفريق الواحد .

تاني مساحة معانا وهي المساحة القانونية المصرية للملعب الخماسي : 18 * 38 متر مربع وده بيكون بإجمالي مساحة 684 متر مربع وبتكون مساحة حوالي 50 سم ودي تعتبر المساحة المعتمدة من خلال وزارة الشباب والرياضة المصرية وبتكون القدرة الاستيعابية للملعب 5 افراد كحد اقصى في الفريق الواحد .

نيجي للمساحة المتوسطة لملاعب النجيل الصناعي الخماسية ودي بتكون 20 * 40 متر مربع وبإجمالي 800 متر مربع ودي مساحة متوافقة مع مساحة الملعب الخماسي القانوني الدولي ومساحة الملعب الخماسي القانوني المصري وبتكون مساحة التراك حوالي 50 سم وبتكون القدرة الإستيعابية للملعب حوالي 5 افراد في الفريق الواحد .

كدة اتكملنا عن الملعب الخماسي بكل مساحاته ودي المساحات اللي تقدر تبدأ عليها ملعب خماسي .

مساحة ملاعب كرة القدم السداسية :

هبدأ كالعادة بالمساحة القانونية الدولية لملعب كرة القدم السداسي وبتكون 27 * 47 متر مربع ودي المساحة الدولية المعتمدة من الفيفا ودي بتكون بإجمالي مساحة 1269 متر مربع ودي بتكون مساحته الاستيعابية حوالي 6 – 7 افراد في الفريق الواحد وبيكون التراك الخاص بالملعب حوالي ( 50 – 100 ) سم وده يعتبر افضل مقياس للملعب السداسي .

اما لو هنتكلم عن الملعب السداسي القانوني المصري هتكون المساحة بتاعته 24 * 44 متر مربع وده يعتبر اقل مساحة للملعب السداسي وبتكون اجمالي مساحته حوالي 1056 متر مربع وبتكون طاقته الاستيعابية لاتزيد عن 6 افراد في الفريق الواحد وبتكون مساحة التراك حوالي 50 سم في جميع اتجاهات الملعب السداسي .

ولعشاق المساحات الوسطية هنقول ان متوسط المساحة الخاصة بالملعب السداسي هتكون 25 * 45 متر مربع بإجمالي مساحة 1125 متر مربع وده بيكون طاقته الاستيعابية حوالي 6 افراد فقط في الفريق الواحد وبتكون مساحة التراك حوالي 100 سم في جميع الاتجاهات الخاصة بالملعب .

مساحة ملاعب كرة القدم السباعية :

ملعب كرة القدم السباعي نادرا ما يتم استخدامه في المشاريع الاستثمارية الصغيرة ويحتاج لرأس مال متوسط حتى يتم إنشاءه وبيكون من الصعب على الشباب انهم يستثمروا فيه لكن مش مستحيل ولكن مشروع عظيم جدا للمستثمر الصغير اللي ممكن يبدأ الملعب السباعي وخاصة انه اقل انتشار من الملاعب الخماسية والسداسية .

هنبدأ بالمساحة القانونية الدولية المعتمدة من الفيفا لملاعب كرة القدم السباعية وبتكون 35 * 55 متر مربع وبتكون بإجمالي مساحة 1925 متر مربع وبيتكون قدرته الاستيعابية حوالي 7 – 8 افراد في الفريق الواحد وبتكون مساحة التراك الخاصة بيه ( 100 – 150 ) سم وده بيكون على جميع اتجاهات الملعب الطول والعرض .

اما بقى بالنسبة للمساحة القانونية الخاصة بالاتحاد المصري لكرة القدم فهي بتكون 30 * 50 متر مربع وبتكون اجمال المساحة حوالي 1500 متر مربع وبتكون القدرة الاستيعابية للملعب حوالي 7 افراد والترك بيكون حوالي 100 سم من كل الاتجاهات .

وفي النهاية المساحة المتوسطة لملعب السباعي حوالي 33 * 53 على اجمالي 1749 متر مربع وزي ما قلنا ان القدرة الاستيعابية حوالي 7 افراد في الفريق الواحد .

كدة نكون عملنا تغطية لمعظم المساحات الخاصة بملاعب كرة القدم الخماسية والسداسية والسباعية وهنتكلم معاكم في مقالات تانية عن المساحات القانونية لملاعب كرة السلة والتنس وملاعب الاسكواش .

لو عندك اي استفسار عن اي شيئ وحابب اننا نساعدك اكتبلنا كومنت وهنرد عليك في اسرع وقت .

 

انواع -الارضيات- الرياضية -في -مصر

تعرف على انواع الارضيات الخاصة بالملاعب2018|جراس ايجيبت

بعد الثورة الصناعية والتقدم التكنولوجي كل حاجة اتطورت حتى الارضيات الرياضية اتطورت ولو بتفكر تعمل ملعب رياضي لازم تكون على علم بكل حاجة في المشروع اللي هتعمله والارضيات لازم تكون علي علم بيها.

الارضيات انواعها كالأتي :

1 – ارضيات النجيل الصناعي

ارضيات النجيل الصناعي بتكون عبارة سجاد بيتكون من كذا طبقة ، الطبقة الاساسية فيه هي طبقة البادة والطبقة الثانوية هي الشعيرات اللي بيتم خياطتها في البادة ودي احد اشكال ارضيات النجيل الصناعي .

ارضيات النجيل الصناعي

 

2 – ارضيات النجيل الطبيعي

النجيل الطبيعي عبارة عن عشب خفيف بيتم زراعته تحت ظروف معينة وبيتم زراعته في مكان الملعب او بيتم زراعة النجيلة الطبيعية في مكان خاص وبيتم قطعه وتركيبه في مكان الملعب وبيتكون من الطبقة الرئيسية وهي التربة والطبقة الثانوية وهي العشب الطبيعي وده شكل النجيله الطبيعية قبل التركيب .

ارضيات النجيل الطبيعي

3 – ارضيات الترتان

الترتان عبارة عن حبيبات مطاطية بيتم خلطها مع المواد الكيميائية تحت ظروف معينة علشان تطلع ارض مطاطية سليمة وبيستخدم الترتان في ملاعب كرة السلة وملاعب التنس وملاعب الكرة الطائرة وبيتكون الترتان من اكثر من طبقة اولها الحبيبات المطاطية ومواد الخلط الكيمياوية وطبقة الالوان وطبقة التنعيم ودي احد عينات الترتان قبل تركيبها .

ارضيات الترتان

4 – ارضيات الاكريليك

ارضيات الاكريليك تعتبر هي نفس مواصفات الترتان واللي بيكون اسمها الارضيات المطاطية واللي بتستخدم برضو في ملاعب كرة السلة والتنس وملاعب الكرة الطائرة وبيتكون الاكريليك من نفس طبقات ارضيات الترتان ولكن بينقص الطبقة الاخيرة وهي الطبقة اللي بتدي نعومة للأرضية وده شكل ارضيات الاكريليك .

ارضيات الاكريليك

5 – ارضيات ملاعب الجولف

نادرا لما بيحاول مستثمر صغير إنشاء ملعب جولف ولكن ارضيات الجولف ممكن تكون ارضيات نجيل طبيعي وممكن تكون ارضيات نجيل صناعي وفي بعض ملاعب الجولف الصغيرة ترتان او اكريليك وده شكل ارضيات الجولف .

ارضيات ملاعب الجولف

6 – ارضيات الاسكواش

ملاعب الاسكواش بقت منتشرة الفترة الاخيرة وده لانه مشروع هايل ومربح وسهل وغير مكلف زي ارضيات ملاعب كرة القدم ارضيات الاسكواش بتكون نوع من انواع ارضيات الباركيه مدعوم بطبقة ناعمة بتساعد اللاعب انه يتحرك بسهولة وبتتكون الارضية من طبقة التجهيز الاولية اللي هي بتكون سواء اسمنتية او اي طبقة علشان يتم تركيب ارضية الباركيه ودي شكل ارضيات الباركيه .

ارضيات الاسكواش

7 – ارضيات الفوم

لو هنتكلم اننا لازم الرياضة ننميها عند الاشبال الصغيرين دلوقتى ارضيات الفوم مناسبة جدا للأطفال في الحضانات والمدارس لانها بتكون ارضيات خفيفة جدا على الاطفال وبتمنع احتكاكهم بالارض علشان الاصابات ودي صورة من ارضيات الفوم .

ارضيات الفوم

كدة اتكلمنا بشكل كامل على ارضيات الملاعب الرياضية لو عندك اي استفسار عن مشروع الملاعب الرياضية اكتبلنا تعليق وهنرد عليك ونشرحلك كل حاجة في اسرع وقت .